Teygjur

Teygjur

Nokkur heilræði þegar þið eruð að teygja.

1. Það er hægt að teyja hvar sem er, hvenær sem er.
2. Haldið hverri teygju í um 20 sekúndur.

3. Þið eigið að finna pínu eins og bruna tilfinningu þegar þið eruð að teygja.

4. Ekki gleyma að anda þegar þið eruð að teygja. Anda rólega. Inn um nefið, út um munninn.

5. Ekki “dúa” í teygjunni. Haldið teygjunni og sleppið síðan rólega.

6. Reynið að teygja strax eftir æfingu. Það má alveg teygja þegar þið eruð komnar heim.

7. Teygjur gerir ykkur liðugar og þær koma í veg fyrir meiðsli. Verið duglegar að gera þær eftir æfingar en passið að ofreyna ykkur ekki 

 

1.Standið með hendurnar á mjöðmum.
2. Rólega snúið upp á efri líkamann í aðra áttina.
3. Haldið teygjunni og farið svo rólega til baka.
4. Gerið það sama í hina áttina.

1.      Styðjið ykkur við eitthvað eða setjist á stól.

2.      Snúið ökklanum í 10 hringi réttsælis og 10 hringi rangsælis.

3.      Gerið báða ökkla.

 

1. Standið örlítið frá veggnum og leggið hendurnar á vegginn. Leggið höfuðið á hendurnar.
2. Setjið hægri fótinn fyrir framan ykkur örlítið beygðan og vinstri fótinn beinan út að aftan.
3. Rólega ýtið mjöðmunum fram þangað til þið finnið teygju aftan á vinstri kálfanum.
4. Skiptið um fót og gerið alveg það sama.

 

1. Standið á hægri fæti og takið utan um vinstri fótinn með hægri hendi.
2. Spyrnið örlítið á móti eins og þið séuð að losa fótinn úr hendinni.
3. Gerið það sama við hinn fótinn. Athugið þið getið haldið í eitthvað ef þið missið jafnvægið.

 

1. Standið með fæturnar í sundur.
2. Beygið ykkur í hnjánum, með beint bak og haldið í 20 sekúndur.

 

1. Standið vel sundur með fæturnar
2. Beygið hægra hnéð örlítið og hallið mjöðmunum að hægri fætinum með vinstri fót beinan.
3. Þið eigið að finna teygju innan á lærinu. Skiptið síðan um fót.

 

1. Sitjið á gólfinu með hægri fót beinan. Krossið vinstri fót yfir þann hægri.
2. Tosið vinstri fót í átt að hægri öxlinni og haldið teygjunni.
3. Þið eigið að finna teygju utan á lærinu. Skiptið síðan um fót.

1. Sitijð á gólfinu með vinstri fótinn beinan en hægri fótinn krossaðan yfir vinstri.
2. Setjið vinstri olnboga utan á hægra hnéð og snúið upp á líkamann.
3. Horfið til baka og haldið teygjunni.
4. Skiptið síðan um fót

1. Sitjið á gólfinu með hægri fótinn beinann og vinstri fóturinn beygðann inn að hægri hnésbótinni.
2. Hafið bakið beint og rólega teygið ykkur að tánum á hægri fæti.
3. Reynið að ná eins langt og þið getið þangað til að teygjan er orðin fín.
4. Haldið teygjunni og skiptið svo um fót.

1. Leggist á gólfið.
2. Teygið hendurnar fyrir ofan hausinn og teygið tærnar og allan fótinn í hina áttina.
3. Gerið ykkur eins langar og þið getið.
4. Haldið í um 5 sekúndur og gerið 3 sinnum með pásum.