Kæru foreldrar/forráðamenn,
Í desembermánuði stendur FH fyrir knattspyrnuskóla í Risanum, knattspyrnuhöll Hafnafjarðar. Um er að ræða þriggja daga námskeið sem hefst 27. desember. Þetta er í framhaldi af gífurlega vel heppnuðu námskeiði sem var síðastliðin nóvembermánuð.
Er námskeiðið ætlað bæði strákum og stúlkum sem fædd eru 1998, 1999, 2000, 2001, 2002 og 2003. Um er að ræða kjörið tækifæri fyrir efnilega knattspyrnuiðkendur sem vilja bæta sinn leik og ná enn lengra. Verður hópnum skipt bæði eftir aldri og getu til að tryggja að allir fái sem mest út úr námskeiðinu. Ath. Takmarkaður fjöldi.
Námskeiðið hefst föstudaginn 27. desember og stendur til 29. desember. Æfingarnar fara fram kl: 09.00 – 10:15 (árgangar 1998, 1999 og 2000) og 10:30 – 11:45 (árgangar 2001, 2002 og 2003). Þátttökugjald á námskeiðið er aðeins 5.000 kr. Skráning fer fram á netfanginu: unnar@mss.is
No comments:
Post a Comment