10 ráð frá Margréti Láru

10 knattspyrnuráð Margrétar Láru

1. Setja sér há markmið og vinna hart að því að ná þeim.
2. Byggja upp gott og mikið sjálfstraust. Hafa trú á sjálfum sér og láta aldrei neikvætt umtal draga sig niður.
3. Setja íþróttina í forgang. Fótbolti númer eitt, tvö og þrjú.
4. Mæta á æfingu til þess að bæta sig og leggja sig alltaf 110% fram.
5. Æfa aukalega. Mikilvægt að æfa vel. Styrkja enn betur þá þætti sem maður er góður í og fækka veikleikum sínum.
6. Hafa gaman af því sem maður er að gera. Það á að vera það skemmtilegasta sem maður gerir - að æfa og spila.
7. Mikilvægt að umgangast góða vini og fjölskylduna, þau standa við bakið á manni bæði þegar vel gengur og illa.
8. Stunda hugarþjálfun þegar góður tími gefst. Leggjast upp í rúm með góða tónlist og sjá fyrir sér andstæðingin sinn og hvernig maður ætlar að bregðast við ákveðnum aðstæðum sem geta komið upp í leik eða á æfingu.
9. Setja rétt bensín á vélina. Það er að segja hugsa um mataræðið, borða hollan og næringaríkan mat.
10. Mikilvægt að fá nægan svefn. Ekkert er verra en að mæta þreyttur á æfingu.

Það má alveg prenta þetta út og setja upp á vegg í herberginu ykkar. Á öðrum miða getið þið svo skrifað niður markmiðin ykkar. Hvað þið ætlið að ná langt í fótboltanum, hvað þið ætlið að bæta fyrir Íslandsmótið. Tölum betur saman um þetta á æfingunni á morgun (mánudag)

kv,

Þjálfarar